අප ගැන​

ගම්පොල මූලික රෝහල ශ්‍රී ලංකාවේ මධ්‍යම පළාත තුල ඇති ප්‍රධානතම සෞඛ්‍ය සත්කාර සේවා සැපයිමේ ආයතන වලින් එකකි. එමඟින් ප්‍රධාන වශයෙන් මහනුවර, නුවරඑළිය සහ කෑගල්ල යන දිස්ත්‍රික්ක වල ජනතාව මුලික කරගෙන ගුණාත්මක සෞඛ්‍ය සේවාවක් සපයනු ලබයි. ගම්පොළ රෝහල 1925 වර්ෂයේදී ආරම්භ කල අතර 1994 වර්ෂයේදී මූලික රෝහලක් බවට තත්වයෙන් උසස් කරන ලදී. 2002 වර්ෂයේදී ශික්ෂණ රෝහලක් බවට වැඩි දියුණු වු අතර පරිපාලනය මධ්‍යම රජයට පවරා ගන්නා ලදි.ඉලක්කගත ජනගහනය උදෙසා ගුණාත්මක කායික,ශල්‍ය හා පුනරුත්ථාපන සෞඛ්‍ය සේවාවක් ලබා දීම රෝහලේ වගකිමයි.
රෝගී සත්කාරය උදෙසා ඇඳන් 401 කින් සමන්විත වාට්ටු, ශල්‍යාගාර, දැඩි සත්කාර ඒකකය, විශේෂිත ළදරු ඒකකය, දන්ත වෛද්‍ය ඒකකය, ETU (හදිසි ප්‍රතිකාර ඒකකය), OPD (බාහිර රෝගී අංශය), රුධිර කාන්දු කරණ ඒකකය, මව්කිරි කළමනාකරණ ඒකකය, ආසාදන පාලන ඒකකය, සැලසුම් සහ තත්ව කළමනාකරණ ඒකකය, භෞත චිකිත්සක ඒකකය, කථන චිකිත්සක ඒ්කකය,වෛද්‍ය පෝෂණ ඒකකය, වෘත්තීය චිකිත්සක ඒ්කකය, දියවැඩියා අධ්‍යාපන ඒකකය, මිතුරු පියස, මානසික සෞඛ්‍ය ඒකකය, සෞඛ්‍ය අධ්‍යාපන ඒකකය, අධිකරණ වෛද්‍ය අංශය, වෛද්‍ය ලේඛණාගාරය හා ඹෟෂධාගාරය විකීරණ අංශය, කන්තුක රේඛණ අංශය,එන්ඩොස්කොපි ඒකකය,රසායනාගාර සේවාවන් රෝහල තුල අන්තර්ගත වේ.
රෝගීන් කේන්ද්‍ර කරගත්,ගුණාත්මක හා කාර්යක්ෂම සේවාවක් සැපයිමට බැඳි සිටින, විශේෂඥ වෛද්‍යවරු 17ක් ඇතුළුව පුද්ගලයින් 750 කින් යුත් සෞඛ්‍ය කාර්ය මණ්ඩලයකින් සමන්විත වේ. එසේම රෝහල මඟින් පේරාදෙණිය විශ්ව විද්‍යාලයේ වෛද්‍ය සිසුන්ට සහ සම සෞඛ්‍ය විද්‍යා සිසුන්ට රෝහල තුළ සායනික පුහුණුව සඳහා අවස්ථාව ලබා දි ඇත.

දැක්ම

ශ්‍රී ලාංකීය ජාතිය සතු අංග සම්පූර්ණ විශිෂ්ඨතම ශික්ෂණ රෝහලක් බවට පත් විම

මෙහෙවර

විශිෂ්ඨ, ගුණාත්මක සෞඛ්‍ය සේවාවක් මනා හැකියාවෙන් සංයුක්තව සහ දයාන්විතව ඓතිහාසික ගඟසිරිපුර ජනතාව වෙනුවෙන් දායාද කිරිම